Bilia: Humbje që djeg, por VAR mund të kishte bërë më shumë

Panorama Sport | Lajmet e fundit nga sporti

Postuar: Tetor 22, 2018 | 13:05

Bilia: Humbje që djeg, por VAR mund të kishte bërë më shumë

Lukas Bilia ishte i vetmi nga lojtarët e Milanit që doli për të folur për mediat pas ndeshjes së djeshme. Argjentinasi u njeh meritat rivalëve, por njëkohësisht ka rezerva për teknologjinë. “Dalim nga kjo ndeshje të humbur, por edhe me shumë pengje. Duhet të ishim treguar më të qetë në zotërimin e topit dhe të mos lejonim nxitimin të na vinte poshtë.

517627159e4d45f18fa9ae8c16c5567b

Kërkuam zgjidhje të shpejta dhe të pamenduara mirë, ndaj kjo humbje më së shumti djeg për mënyrën sesi erdhi”, deklaroi mesfushori. Bilia zhvilloi një ndeshje të mirë dhe falë përvojës nuk u ndikua nga kartoni i verdhë që erdhi në mesin e pjesë së parë.

Lidhur me përplasjen me Naingolanin dhe gjykimin e arbitrit, ai tha: “U përplasa me Raxhën dhe mora një goditje. Arbitri pa atë që pa dhe nuk e gjykoj për këtë pjesë, por mendoj se teknologjia mund të bënte diçka më shumë në atë rast, që gjithsesi nuk ka asnjë lidhje me ndeshjen apo rezultatin e saj”.

NDIQE LIVE "PANORAMA TV"