“Bicaj na jep siguri”, flet Dovedan: Në merkato kam nevojë për…
Veljko Dovedan mendon se Bylisi është gati për startin, ndonëse e thotë qartazi që i duhen edhe dy afrime nga merkatoja. Në një intervistë të dhënë për “Panorama Sport”, ai u shpreh i lumtur edhe për kthimin e Bicajt.
A jeni i kënaqur nga kjo miqësore?
Jam i kënaqur padyshim nga ky test miqësor. Jemi stërvitur shumë në këtë minifazë dimërore dhe kemi provuar disa elementë që na kanë ardhur. Kjo ishte miqësorja e fundit dhe tashmë do të përqendrohemi te pjesa e mbetur e gjysmës së kampionatit.
Keni bërë një fazë të parë shumë të mirë, çfarë prisni nga e dyta dhe çfarë objektivash keni?
Është e vërtetë që kemi bërë një fazë të parë të mirë. Në të dytën do vazhdojmë aty ku e lamë. Objektivi dihet tani, janë Kupat e Europës.
Ju qetëson rikthimi i Ditmar Bicaj?
Padyshim që po, pasi Bicaj është mbrojtës shumë i mirë dhe na jep shumë siguri në çdo ndeshje në prapavijën tonë.
Asnjë afrim deri tani në merkato, a keni nevojë për përforcime dhe në çfarë rolesh?
Kemi provuar disa lojtarë, presim edhe të tjerë të na vijnë. Çfarë dua? Një mesfushor qendre dhe një sulmues.
/PANORAMASPORT.AL/
NDIQE LIVE "PANORAMA TV"