Besa me katër mungesa, do fitore për 4-shen e parë
Besa ka sot një sfidë delikate me Pogradecin dhe seancën e fundit stërvitore skuadra e zhvilloi në fushën e stadiumit me bar natyral, ashtu siç do të jeta edhe fusha e stadiumit të Peqinit, ku do të luhet ndeshja. Në radhët e kavajasve ka shumë peqinas, në staf dhe në organikë, ndaj dhe do të ndihen si në shtëpi.
Njëri prej tyre, Klodian Dervishi, shpreh bindjen se Besa do të triumfojë ndaj Pogradecit për të qenë në 4 vendet e para në fund të fazës së dytë. “Do të kemi 4 mungesa në këtë ndeshje, Bërdufi, Vathi, Shima dhe Zefi, por “recetën” e suksesit e kemi gjetur. Ndeshja me Pogradecin është shumë e rëndësishme dhe dihet, mbrojta më e mirë është sulmi. Kardozo dhe Onuh e kanë rritur efektivitetin e bashkëpunimit.
I vetmi objektiv në lojë për ne është katërshja e parë dhe duke fituar ndeshjen tonë, nuk ka pse bëjmë llogaritë e ndjekësve. Vërtet na shqetëson fakti që na mungojnë spektatorët, por fusha e Peqinit rrethohet nga disa objekte që do t’u shërbejnë atyre për të na ndjekur. Sportadashësit peqinas me siguri do të përkrahin Besën në këtë ndeshje”, tha dje numri 2 i stolit kavajas, Dervishi.
FERIZ FERIZAJ
NDIQE LIVE "PANORAMA TV"