Bekhami në telashe, stadiumi rrezikon të mos jetë gati për sfidën debutuese

Panorama Sport | Lajmet e fundit nga bota e sportit

Postuar: Janar 18, 2020 | 22:29


Bekhami në telashe, stadiumi rrezikon të mos jetë gati për sfidën debutuese

Të ngresh një skuadër futbolli nga themelet nuk është aspak e lehtë dhe aq më shumë në një sistem si ai i kampionatit amerikan. Po, pikërisht kështu, sepse në MLS nuk mund të bësh merkaton që do, por duhet të zgjedhësh mbi një grumbull futbollistësh që regjistrohen në federatë.

hehehehe

Këtë gjë po e vuan në lëkurën e tij Dejvid Bekham, i cili ka ndërtuar klubin e tij privat, Inter Majemi, i cili vazhdon të hasë probleme pas problemi. Dhe kur kanë mbetur dy muaj nga fillimi i sezonit të ri, klubi debutues me qendër në Florida, ka një problem shumë më të madh sesa grupi i lojtarëve, i cili nuk mund të injorohet aspak: stadiumin që ai po ndërton, i cili nuk është ende gati.

21

ME SHUMË VONESË 

Siç raporton “The Sun”, ndërtimi është me shumë vonesë, ndonëse goditja e parë e topit nga qendra e fushës afron. Në teori, Inter Majemi duhet ta nisë aventurën e tij në MLS, në shtëpi, përballë Los Anxheles Galaksi, më 14 mars, por hipoteza që Bekham të kërkojë një “strehim” tjetër për ndeshjen e parë, ndërsa “Fort Lauderdale” të kompletohet, po bëhet një ide edhe më konkrete. Nëse në uebsajtin e klubit tregohet vetëm pamja e një tribune të përfunduar, “The Sun” ka vizituar nga pranë dhe publikon fotot e pjesës tjetër të medaljes së stadiumit, e cila dallohet qartë se është ende larg të quajturit i përfunduar.

stadium i bekam

VAZHDOJNË ABONIMET 

Gjithsesi, Bekham dhe bashkëpunëtorët e tij nuk duhen aspak të shqetësuar, duke qenë se uebsajti i Inter Majemit vazhdon t’i bëjë një reklamë madhështore ndeshjes me Galaksi, ndërkohë që edhe fushata e abonimeve vjetore për tifozët është hapur me kohë dhe vazhdon për të garantuar ndenjësen personale për ndeshjet në shtëpi. Por ndoshta, nëse ritmet nuk ndryshojnë, sfidën e parë sezonale tifozët e skuadrës së Bekhamit do ta shijojnë larg strofkës së tyre të re, që është në ndërtim e sipër.

/PANORAMASPORT.AL/




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/

www.minuta90.com