“Bëji gol Strakoshës, Berishës ia bëj unë”, Rama e Duka batuta: Nesër 90 minuta zjarr, por kujdes atë shtesën, amon! (VIDEO)

Panorama Sport | Gazeta me e madhe sportive ne vend

Postuar: Nëntor 16, 2019 | 10:00

Kombetarja Kombetarja A LAJMI KRYESOR Të fundit Video

“Bëji gol Strakoshës, Berishës ia bëj unë”, Rama e Duka batuta: Nesër 90 minuta zjarr, por kujdes atë shtesën, amon! (VIDEO)

Kryeministri i Shqipërisë, Edi Rama, ishte i pranishëm drekën e sotme, para nisjes së stërvitjes së Kombëtares, në një vizitë speciale për ekipin kuqezi.

rama reja

Pasi u takua me stafin dhe lojtarët e Kombëtares, Rama bashkë me trajnerin Reja shkelën barin e “Air Albania Stadium”. Ata shkëmbyen edhe disa babuta mes tyre, teksa vështronin detajet e stadiumit të ri.

Më poshtë, disa prej batutave në vizitën e Ramës pranë Kombëtares.

BATUTAT

Rama: Ky është më i bukur se stadiumi i Juventusit. Inxhinieri fantastike në këtë impiant. Nesër do jetë një spektakël, edhe me dritat këtu. Por edhe akustika është fantastike. Zhurma do duket sikur janë 60 mijë. Edhe kjo fasada që pret zërin.

Reja: Ta provojmë me një fishkëllimë. (Fishkëllen). E dëgjove kur fishkëlleva. Imagjino 20 mijë njerëz.

bandicam 2019-11-16 19-13-50-143

Duka: Hysaj, hë më si të duket stadiumi. Ke kohë ta shkelësh, je i ri. Ne jemi të vjetër.

Rama: Hë mo Tomi(Strakosha), mirë? Si të duket stadiumi?

Rama(para lojtarëve): Ma la mua ta bëj taktikën. Tani ne stadiumin e bëmë. Kjo fushë duhet të bëhet vatër zjarri.

Duka: Stadiumi është për këtë, për këtë(drejtohet nga lojtarët me moshë të re). Sepse këta janë të rinj.

Rama: Këtu në këtë fushë nuk ka rëndësi rezultati. Le të fitojë kush të dojë. Këtu duhet të japim jetën.

Duka: Ne në fakt duhet të fitojmë!

Rama: Ore, ne këtu duhet të mësohen njerëzit që jepni jetën. Pastaj, kush fiton, fiton. Rëndësi ka që këtu duhet të jenë 90 minuta zjarr. Sidomos ato minutat e shtesës, amon. Kur vjen ajo shtesa, fillon makthi. Se do bëjnë të tjerët gol.

bandicam 2019-11-16 19-14-10-723

Duka: Ne këtu në Shqipëri nuk kemi parë ndonjëherë më bukur se kaq.

Balaj: Ky stadium na bën të ndihemi të huaj në shtëpinë tonë. Diçka e re për ne, sepse është ajo ndjesia e fillimit. Na duket sikur po luajmë jashtë, sepse jemi mësuar që vetëm jashtë ka stadiume të tilla.

Rama: Si jashtë shtetit pra. Jua sollëm edhe stadiumin nga jashtë shtetit, jo vetëm juve nga jashtë shtetit. Nesër, shpirtin këtu. Kaq.

Roshi: Do fitojmë nesër.

Rama: Ore lëre të fitoni, por shpirtin.

Duka: Do fitojmë, por do bëjmë maksimumin. Me Andorrën duhet të bënit maksimumin.

Balaj: Nesër do fluturojmë, se kemi edhe “Air Albania Stadium”.

bandicam 2019-11-16 19-14-30-882

Rama: Ty për të fluturuar të kemi, se në tokë nuk kap gjë. Të kapësh ndonjë gjë nga ajri të paktën. Po këtë akustikën e ka të fortë. Ka shumë zhurmë.

Duka: Si ju duket fusha mo?

Rama: Reja tha se është më e mirë. Po është më e mirë(i drejtohet Dukës), se këtë fushë e kam bërë unë. Elbasanin e ke bërë ti.

Duka: Gjithë gjërat e mira i bën kryeministri.

Rama: T’i bëj një gol me penallti Strakoshës para se të ikim?

Duka: Strakoshës mund t’ia bësh, por Berishës jo.

Rama: Ja ku e ke(i drejtohet Berishës), nuk më ndahet.

Duka: Nuk të ka bërë gol ty?

Berisha: Më ka bërë më herët.

Rama gjuan dhe i shënon Strakoshës.

rama gol strakoshws

Rama i drejtohet Dukës: Bëje edhe ti një tani.

Duka: Unë po ia bëra, ia bëj Berishës.

Duka gjuan dhe i shënon Berishës.

 




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/

www.minuta90.com