Befasi te rivali i klubit shqiptar në Ligën e Europës, shkarkohet trajneri 3 ditë para ndeshjes
Rivalët e Dritës në raundin e tretë të Ligës së Europës, Legia Varshava shkarkoi sot trajnerin e tij Aleksandër Vukoviç. Një miks rezultatesh zhgënjyese gjatë periudhës së parë të këtij sezoni detyruan drejtuesit e klubit të njohur polak të shkarkojnë teknikun 41-vjeçar.
Vendimi vjen 3 ditë përpara përballjes me kampionët e Kosovës, Dritën.
Duke iu frikësuar një tjetër rezultati zhgënjyes në Europë, Legia vendosi që të shkarkonte Vukoviçin në mënyrë që të ndryshohej imazhi i klubit.
Vukoviç fitoi titullin kampion sezonin e kaluar me Legian, por eliminimi në Ligën e Kampioneve prej Omonias dhe dy humbje në tre ndeshjet e para të kampionatit nuk mjaftuan që tekniku serbo-boshnjak të ruante vendin e punës.
Megjithatë, drejtuesit e Legias nuk kanë humbur kohë duke emëruar Çezlav Miçnievik si trajnerin e ri të skuadrës.
PANORAMASPORT.AL
NDIQE LIVE "PANORAMA TV"