Basketboll/ Shoqata Kamza Basket, aktivitet me fëmijët me aftësi të veçanta
Pas një sezoni te pazakontë të kushtëzuar nga pandemia, skuadra Kamza Basket nën drejtimin e Eni Llazanit dhe Glen Prodanit dhe me mbështetjen e jashtëzakonshme te Bashkisë Kamëz dhe të Rizvan Kurtit zhvilluan në palestrën e Kamzës aktivitetin me fëmijët me aftësi ndryshe të këtij komuniteti.
Një vëmendje të veçantë dhe një mesazh mbresëlënës dha ky aktivitet duke u përshëndetur dhe nga kryetari i Bashkise, z. Rakip Suli. Për shkak te respektimit të urdhrit të qeverise dhe komisionit teknik Covid 19, të pranishmit ishin të kufizuar dhe ftesat të limituara.
Në fund të këtij aktiviteti fëmijëve iu dhanë dhurata dhe nga një certifikatë pjesëmarrje nga Federata Shqiptare e Basketbollit. Me urimin gëzuar dhe qoftë një vit plot aktivitete, shoqata Kamza Basket, uron të gjithë komunitetin ku ushtron veprimtarinë, sportistë, prindër, trajnerë, organizatorë dhe cilido që ka kontribut për ecurinë e sportit të basketbollit.
PANORAMASPORT.AL
NDIQE LIVE "PANORAMA TV"