BASKET/ Teuta bojkotoi derbin ndaj Gogës, reagon federata: Presim relacionin, do të zbatohet rregullorja
Për incidentin e krijuar në sallën sportive “Dhimitraq Goga”, që solli edhe bojkotin e Teutës, në ndeshjen derbi ndaj Gogës, gazeta kontaktoi sekretarin e përgjithshëm të FSHB, Korab Llazanin. Ja si u shpreh ai për këtë ngjarje: “Presim relacionet dhe do të zbatohet ajo që parashikon rregullorja për raste të tilla.
Komisari dhe gjyqtarët kanë zbatuar procedurat dhe do të sjellin protokollin së bashku me relacionet, të cilat më pas do t’i kalojnë për shqyrtim Komisionit të Disiplinës”. Më pas i pyetur, nëse ka të drejtë një klub të japë një pezullim të tillë, Llazani deklaron: “Unë nuk kam qenë i pranishëm, por me sa di Goga Basket e ka lejuar të futet në tribunën qendrore. Këtu bëhet fjalë për ndalimin e hyrjes në dhomat e zhveshjes. Skuadra organizatore ka të drejtë të garantojë rendin dhe sigurinë në dhomat e zhveshjes.
Ka pasur raste kur edhe mua nuk më kanë lejuar rojet që të futem te Goga, gjithashtu as presidentin e federatës, pasi nuk e kanë njohur. Të gjithë duhet të jenë të pajisur me një beixh apo një mjet identifikimi që të lejohen. Por e përsëris edhe një herë, duke qenë se nuk kam qenë i pranishëm, presim materialin që do të na vijë, për të vepruar më pas sipas rregullores”, thotë Llazani, i cili rezervohet në prononcimin e tij, pasi më parë pret të shqyrtojë materialin që do të paraqesin zyrtarët e takimit.
PANORAMASPORT.AL
NDIQE LIVE "PANORAMA TV"