Salernitana arriti të siguronte mbijetesën në Serinë A në mënyrë surprizuese duke e arritur atë në javët e fundit pas një forme impresionuese që treguan në fazën e dytë. Klubi italian po përgatitet kështu për sezonin e ardhshëm ku reparti në të cilin po planifikohet të ndërhyhet më shumë është sulmi, me sulmuesin e Kombëtares, Rei Manaj i cili mendohet të jetë një nga zgjedhjet.

Sipas raportimeve nga “Tuttomercato.web”, Salernitana kishte këmbëngulur për transferimin e sulmuesit të Kaljarit, Zhoao Pedro , por vështirësitë që po has në këtë marrëveshje e kanë detyruar të shikojë për alternativat, me Manaj që duket në krye të listës.

25-vjeçari u rikthye te Barcelona pas huazimit te Specia ku duhet ende të kuptojë ende rolin që trajneri Çavi ka parashikuar për të ne sezonin e ardhshëm dhe më pas të vendos për qëndrimin në Spanjë apo në të kundërtën për një rikthim në Serinë A.

PANORAMASPORT.AL

NDIQE LIVE "PANORAMA TV"

---