Nevil Dede dhe Erzeni i tij ia kanë dalë të barazojnë me Tiranën në miqësoren e luajtur dje në Pogradec. Për “Panorama Sport”, Dede analizoi takimin dhe pranoi se me punë shkohet përpara.

“Ngarkesat janë të mëdha për ekipin, sepse po punojmë me dy seanca stërvitore. Kemi luajtur edhe dy ditë më parë me Skënderbeun. Pjesa e parë nuk shkoi siç duhet.

Kemi edhe disa lojtarë në provë, por gjërat nuk shkuan siç i kishim planifikuar. Gjithsesi, skuadra duroi dhe në pjesën e dytë me disa ndryshime dhe lojtarë të freskët tregoi personalitetin dhe kualitetin që ka brenda saj.

Përballja me Tiranën na rrit në personalitet dhe tregon se asgjë nuk është e pamundur. Gjithçka arrihet me punë dhe kokulur”, tha në fillim Dede.

Më pas trajneri, që i la vendin Shehit, u shpreh se 25 herë kampionët janë pretendentët për titullin këtë vit. “Besoj se Tirana është pretendente për titullin kampion.

Me investimet dhe rikthimin e lojtarëve, besoj që janë seriozë dhe i kanë të shpallur objektivat”, mbylli Nevil Dede.

PANORAMASPORT.AL

NDIQE LIVE "PANORAMA TV"

---