Bajern e sheh të përshtatshëm për veten, bavarezët duan talentin e spikatur të Realit
Bajern Mynih preferon që futbollisti i Real Madridit i huazuar te Borusia Dortmundi Ashraf Hakimi të bëhet lojtar i bavarezëve në verën e 2020.
Mediat e huaja raportojnë se kampionët e Gjermanisë kanë mbetur të kënaqur nga paraqitjet e anësorit 21-vjeçar maroken, i cili është huazuar prej dy vitesh te verdhezinjtë.
Duke parë përshtatjen e Hakimit në të dy krahët e fushës, Bajern e konsideron Hakimin si lojtarin e përshtatshëm për të përforcuar të dy krahët e skuadrës.
Për të bërë të mundur blerjen e futbollistit madrilen, drejtuesit e Bajernit duhet të hyjnë në negociata me palën spanjolle, të cilët kanë pronësinë e kartonit të Hakimit. Duke parë se të dy krahët e mbrojtjes së Realit janë plotësuar, Bajerni mund të përfitojë nga kjo situatë e krijuar. Por, Hakimi ka kontratë me Realin deri në vitin 2022 dhe duhet që Bajern të paguajnë kartonin e 21-vjeçarit si dhe prishjen e kontratës me madrilenët.
Dhe lojtari nuk kushton pak, por minimalisht 45 milionë €, ndërsa shifra në total për blerjen e tij pritet të shkojë më shumë.
PANORAMASPORT.AL
NDIQE LIVE "PANORAMA TV"