Postuar: Tetor 15, 2022 | 15:59
ATLETIKË/ Tjetër paraqitje fantastike nga Luiza Gega, vendi i parë me rekord në eventin e Milanos
Luiza Gega vijon serinë e paraqitjeve të shkëlqyera në këtë sezon të jashtëzakonshëm. Suksesi i radhës për kampionen e Europës ka ardhur nga eventi në Biella Milano, aty ku atletja kuqezi doli e para në garën Mile (1609m).
Gega regjistroi kohën 4.41.34, duke siguar shkallën më të lartë të podiumit, rezultat që shënon rekordin e radhës kombëtar për atleten kuqezi. 100 metra larg finisht, Gega ishte e treta, në ndjekje të rivaleve nga Kenia dhe Burundi, por pas “ulërimave” të trajnerit Taulant Stërmasi, Luiza futi “turbon”, duke i kaluar për 10 metra të dyja kundërshtaret për të marrë triumfin në këtë event.
ARTIN LLESHAJ – PANORAMASPORT.AL
NDIQE LIVE "PANORAMA TV"