Askush nuk mund t’i thotë “JO” atij, bosi i Gomorras i bën ofertë Ibrahimoviçit

Panorama Sport | Lajmet e fundit nga bota e sportit

Postuar: Korrik 12, 2020 | 23:30


Askush nuk mund t’i thotë “JO” atij, bosi i Gomorras i bën ofertë Ibrahimoviçit

Shumë e kanë parë serialin dhe të gjithë fansat e Gomorras e dinë mirë se Xhenaro Savastanos, bosit të klanit famëkeq, askush nuk mund t’i thoshte “JO”, të paktën përpara syve. Prandaj, vetë “Xheni” (siç thirrej shkurtimisht në film), ka dashur të nxehë supersfidën e mbrëmjes së sotme mes Napolit dhe Milanit, duke postuar një foto gjatë një diskutimi me Zlatan Ibrahimoviçin.

iBRA GAMORRA

“Zlatan, sot në mbrëmje do të të bëj një ‘ofertë’ që nuk mund ta refuzosh”. Sigurisht që në këtë rast bëhet fjalë vetëm për një shaka, duke qenë se Xheni Savastano në të vërtetë është Salvatore Espozito, me profesion aktor, por pa dyshim që pseuodinimi i bosit do ta ndjekë gjatë në jetë.

Por si tifoz i zjarrtë i Napolit, por mesa duket edhe një fans i vërtetë i milanistit Zlatan Ibrahimoviç, aktori ka dashur që të ngacmojë suedezin përpara duelit. Por kur bëhet fjalë për Ibrën, vështirë se kundërpërgjigja do të mungojë, qoftë në fushën e lojës, qoftë jashtë saj. Prandaj, edhe “bosi i Gomorras” është i paralajmëruar…

PANORAMASPORT.AL




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/

www.minuta90.com