Argjentina nuk di të fitojë, kualifikimi “në fije të perit” (Video)
Argjentina vazhdon të zhgënjejë në eliminatoret e Kupës së Botës. Skuadra e Jorge Sampaolit nuk shkoi më shumë se barazimi 0-0 në shtëpi ndaj Perusë, duke e komplikuar së tepërmi kualifikimin.
Bardheklatërit patën shumë raste shënimi por nuk arritën ta dërgonin topin në rrjetë, kjo dhe për mërit të portierit kundërshtar.
Aktlualisht Argjentina ndodhet në vendin e 6 në renditja, teksa ndeshjen e fundit do ta luajnë me Ekuadorin në transfertë. Fitorja ndaj Ekuadorit është rezultati i vetëm që do t’i mbyllte përfundimisht hesapet e kualifikimit.
Në sfidat e tjera, Brazili i kualifikuar u ndal në barazim 0-0 ndaj Bolivisë, në mungesë të oksigjenit në lartësinë 3640 metra. Me të njëjtin rezultat përfundoi sfida mes Venezuelës dhe Uruguait.
Ndërkohë Kolumbia e yjeve si Hames Rodriguez, Falkao, Kuadrado, u mund në shtëpi nga Paraguai me rezultatin 1-2. Një ndeshje e çmendur, pasi vendasit ishin duke fituar deri në minutën e 89-t. Me pas paraguaianët përmbysën gjithçka.
Ndryshe nga Kolumbia, Kili i Picit nuk ka falur në shtëpi ndaj Ekuadorit duke fituar me rezultatin 2-1, falë golave të Edu Vargas dhe Aleksi Sançez. Golin për ekuadorianët e shënoi Ibarra.
Java e fundit e kualifikueseve të Amerikës Latine rezervon këto përballje:
Brazil-Kili
Ekuador-Argjentinë
Paraguaj-Venezuelë
Peru-Kolumbi
Uruguaj-Bolivi
NDIQE LIVE "PANORAMA TV"