“Arbitri duhet ta kishte ndërprerë ndeshjen”, Safet Gjici: Goli i falur? Nuk e duam atë lloj korrigjimi
Safet Gjicit nuk i ka pëlqyer aq shumë gjesti në fundin e ndeshjes, ku Partizani i dhuroi një gol Kukësit, për shkak të “Fair-Play”-t. Në një prononcim për “RTSH”, presidenti i nderit i klubit verilindor, mendon se arbitri duhet ta kishte ndërprerë ndeshjen në momentin që lojtari Taipi ishte i shtrirë. Për sa i përket lojës, ai mendon se barazimi do të ishte rezultati i drejtë.
“Mund të dilte ndeshja edhe barazim. Mendoj se me ato që skuadrat dhanë në fushë ndeshja duhet të dilte barazim, por ne duhet të marrim më shumë veten. Rasti i golave? Arbitri duhet të kishte ndërprerë ndeshjen në atë moment pasi një lojtar i jonë ishte shtrirë. Partizani e korrigjoi më pas gabimin, por ne nuk e donim këtë lloj korrigjimi”, u shpreh Safet Gjici.
PANORAMASPORT.AL
NDIQE LIVE "PANORAMA TV"