Ankesa e Vllaznisë, UEFA dënon PAOK-un dhe “djeg” shkodranet
Komisioni Disiplinor i UEFA-s ka marrë vendim për të ndëshkuar ekipin e futbollit të femrave të PAOK-ut të Selanikut me një vit pezullim nga të gjitha veprimtaritë ndërkombëtare dhe po ashtu edhe me një gjobë të konsiderueshme pas ankesës së Vllaznisë, shkruan “shkodrasport”.
Vendimi është marrë pasi është vërtetuar se skuadra greke në ndeshjet e vlefshme për Ligën e Kampioneve të Europës, ka aktivizuar një futbolliste të pafederuar.
Por vajzat shkodrane nuk kanë përfituar asgjë nga dënimi i grekeve, kjo për shkak se PAOK ka luajtur edhe në turin e dytë të eleminatoreve dhe vendimi i UEFA-s është dhënë me shumë vonesë. Nëse vendimi do ishte dhënë në kohën e duhur ekipi i Vllaznisë do renditej si e para e grupit dhe në këtë mënyrë do ishte kualifikuar për turin e dytë.
NDIQE LIVE "PANORAMA TV"