Merkatoja në Angli bëhet gati të ndezë motorët. Premier Liga do të kërkojë sot konfirmimin nga FIFA për ta nisur merkaton verore të sezonit ditën e nesërme (17 maj).

Rregullorja e qeverisë botërore të futbollit thotë se një kampionat duhet të ketë të paktën një stinë merkatoje gjatë një viti kalendarik që të zgjasë për 12 javë. Në fillim të sezonit u ra dakord që merkatoja verore në Angli të mbyllej më 9 gusht dhe jo më 31 gusht, për t’u lejuar klubeve që të shmangnin çorientimin përpara se të nisë sezoni i ri, më 11 gusht. FIFA pritet ta lëshojë autorizimin e saj mbrëmjen e sotme. Çka do të thotë se pas këtij OK, klubet e Premier Ligës do të nisin të blejnë dhe shesin futbollistët prej ditës së nesërme.

NDIQE LIVE "PANORAMA TV"

---