Aleksi: Jam i bindur që mund të dalim kampion, në fushë nuk ia jap askujt dorën

Panorama Sport | Lajmet e fundit nga sporti

Postuar: Dhjetor 7, 2021 | 19:44


Aleksi: Jam i bindur që mund të dalim kampion, në fushë nuk ia jap askujt dorën

Teuta ka fituar në fushën e Dinamos me rezultatin minimal 0-1 me autogol  të Edvan Bakaj. Në përfundim të ndeshjes për mikrofonat e “Super Sport” ka folur dhe Albano Aleksi. Ai dha një koment lidhur me sfidën dhe për faktin që merr shumë kartona.

ALBANO ALEKSI 2

“Kritikat më bëjnë mirë, i dëgjoj shpesh. Kur luaj qendërmbrojtës jam më i qetë  sepse e shoh lojën nga mbrapa. Jam lojtar agresiv dhe kam qejf të ftoj në dyluftim kundërshtarin sepse më pëlqen të jem luftues. “

“Nuk i kërkoj askujt falje sepse secili lufton për fanellën që ka veshur, jashtë i kërkoj falje normalisht sepse njerëz jemi po në fushë thjesht mund ti japim dorën njëri tjetrit.  Lojtarët e kanë kuptuar trajnerin. Ai është i rreptë sepse kërkon shumë nga ne ,atij i pëlqejnë sfidat e vështira dhe shpresoj t’ja arrijë. “

Sezoni e kaluar dhe këtë vit me Teutën?

“Ka ndryshim të madh sepse kur ndryshojnë lojtarët është pak e vështirë. Është shpejt për të bërë krahasim. Kam besim tek aftësitë e mia dhe të shokëve të skuadrës dhe shpresoj të jemi në garë deri në fund për një kampionat të dytë por është  vështirë kur ndryshon lojtarë.”

PANORAMASPORT.AL