Albion Marku ka pasur probleme fizike gjatë kësaj jave për shkak të ngarkesës muskulore, por ashtu siç ka bërë në mjaft raste gjatë këtij sezoni, pritet të shtrëngojë dhëmbët e të luajë nga minuta e parë ndaj Egnatias.

Në lidhje me formacionin, Mehmeti nuk ka shumë ndryshime. Pritet thuajse i njëjti rreshtim si në derbi, pavarësisht se ndaj Tiranës nuk rezultoi rreshtim fitues.

Hoxha do të jetë në portë, ndërsa në mbrojtje Markun e shoqërojnë Belica, Bitri e Hadroj.

Në mesfushë me shumë mundësi do të luajnë Rrapaj, Matondo e Mala, teksa treshja e sulmit do të jetë klasikja e sfidave të fundit. Zhuniorit, Carës dhe Skukës do t’u besohet misioni i golit sonte në Rrogozhinë.

PANORAMASPORT.AL

---