Alarm në mbrojtjen e Bajernit, Flik humb dy lojtarë për ndeshjen e ardhshme

Panorama Sport | Lajmet e fundit nga sporti

Postuar: Shkurt 18, 2020 | 9:19

Alarm në mbrojtjen e Bajernit, Flik humb dy lojtarë për ndeshjen e ardhshme

Fitorja 4-1 në fushën e Këlnit nuk ka kaluar pa pasoja për skuadrën e Hansi Flik. Zheron Boateng dhe Benzhamë Pavar nuk do të jenë ndaj Paderbornit javën e ardhshme, pasi kanë plotësuar numrin e kartonëve të verdhë.bayern

Një lajm aspak i mirë ky për trajnerin e bavarezëve, i cili duhet të improvizojë një rreshtim në prapavijë, duke pasur parasysh edhe mungesat e Zyles dhe Hernandez, edhe pse francezi është rikthyer nga dëmtimi dhe mund të jetë në fushë.

Ndërkohë, mund të shohim për herë të parë në formacionin e parë edhe mbrojtësin e krahut të djathtë të ardhur nga Real Madrid, Alvaro Odriozola.

Alaba dhe Dejvis do të plotësojnë katërshen e mbrojtjes, e cila po kalon ditët më të vështira në një periudhë ku nuk lejohen gabimet, pasi do t’i kushtonin jo pak skuadrës më të titulluar në Bundesligë.

PANORAMASPORT.AL

NDIQE LIVE "PANORAMA TV"