Aksident i frikshëm, Tajgër Uds pëson fraktura në të dyja këmbët
Tajgër Uds është përfshirë në një aksident të frikshëm ditën e djeshme në një autostradë në Los Anxhelos. Makina e tij është përmbysur jashtë rruge dhe është shkatërruar tërësisht, ndërsa ende nuk bëhen të ditura shkaqet e këtij aksidenti të rëndë automobilistik, por dyshohet për tejkalim të normave të shpejtësisë nga Uds.
45-vjeçari, i cili ndodhej i vetëm në makinë është nxjerrë nga mbetjet e automjetit nga forca të shumta zjarrfikëse dhe mjekësh. Raportohet se 15 herë kampioni i golfit është dërguar menjëherë në spital, ndërsa ka pësuar fraktura në të dyja këmbët për të cilat i është nënshtruar ndërhyrjes kirurgjikale. Fatmirësisht, legjenda e golfit botëror nuk është në rrezik për jetën, ndërsa gjatë gjithë kohës raportohet se ka qenë i vetëdijshëm.
PANORAMASPORT.AL
NDIQE LIVE "PANORAMA TV"