AF Elbasani zbret në fushë. Ashtu siç pritej, në 2 gusht ekipi më i ri në qytet, merr zyrtarisht jetë, teksa lojtarët e kontaktuar, si edhe ata që kanë ardhur për provë, u vunë nën urdhrat e teknikut Gentian Stojku.

Në ditën e parë të prezantimit ishin plot 30 futbollistë, ndërkohë që nuk mungoi as prezenca e kryebashkiakut Gledian Llatja, i cili premtoi mbështetje maksimale këtij klubi. Nuk munguan në këtë ditë të parë as një pjesë e tifozërisë ultrase e skuadrës, të cilët pritet t’i qëndrojnë pranë ekipit.

Sakaq, konfirmohen edhe lojtarët që gazeta pati paralajmëruar më herët, si: Gava, Hyshmeri, Duka, Ferhati, Mici etj., të cilët do të përbëjnë edhe bazën e kësaj skuadre. Edhe pse do ta nisë rrugëtimin nga Kategoria e Tretë, në klub kanë bërë investime afatgjata, duke parë grupin që kanë krijuar.

LLATJA – Në fjalën e tij para futbollistëve dhe stafit, kryebashkiaku theksoi se të gjithë së bashku do të ringrenë aty ku duhet emrin e këtij qyteti futbolldashës.

“Sot është një ditë e shumëpritur për qytetin tonë futbolldashës, teksa ekipi AF Elbasani nis edhe përgatitjet për këtë sezon. Kemi përzgjedhur trajnerët më të mirë dhe së bashku me ju futbollistët do ta ringrenë këtë klub aty ku i takon.

Si kryetar i bashkisë premtoj mbështetjen maksimale për klubin e futbollit, ndërkohë që edhe në bashkëpunim me biznesin do bëjmë që të mos ju mungojë asgjë. Ky qytet do të rikthehet në majat e futbollit shqiptar”, u shpreh para lojtarëve kreu i bashkisë, Gledian Llatja.

LISTA E LOJTARËVE

1. RUZHDI BOZHIQI

2. REDON GEGA

3. HAJDAR MIRAKA

4. MIKEL FERHATI

5. ELVIS XHELILI

6. LEDIO UKAJ

7. ENDRI DUKA

8. ORGEST GAVA

9. RENATO HYSHMERI

10. FABIO DISHANI

11. SELDI BAKALLI

12. ERXHERS BULLARI

13. MALKON DALIPI

14. SERXHJO BAJRAMI

15. GERI SELIMAJ

16. MATEO ALLKJA

17. ERSI PIKU

18. OLIGERS DUSHKU

19. ERGIN IBWRSHIMI

20. BROKLIN CEKA

21. RIVALDO DULJA

22. EMANUEL ABDIAJ

23. ERNEST DOCI

24. MIKEL ZOGU

VLADIMIR MEMA – PANORAMASPORT.AL

---