Abazaj i dëmtuar, Bushi thërret ish-mesfushorin e Skënderbeut tek Shpresat
Kristal Abazaj, ishte pjesë e listës së publikuar sot nga Alban Bushi, për dy sfidat që Kombëtarja Shpresa do të luajë ndaj Spanjës dhe Estonisë në tetor. Por, futbollisti i Anderlehtit, vazhdon të mos ketë një gjendje të mirë, prej dëmtimeve, dhe gjendja e tij nuk është aspak e mirë në këto momente.
Për këtë arsye, pasi trajneri Bushi është vënë në dijeni për këtë dëmtim të Abazajt, ai ka vendosur të thërrasë Agim Zekën. Ky i fundit, aktivizohet tek ekipi i Leiksoes në ligën e dytë portugeze. Mesfushori Zeka, ka qenë pjesë e Skënderbeut në sezonin 2016-17, dhe luajti për 3 ndeshje me korçarët, por u shit tek Lila në Francë.
Këtë sezon, Lila e ka çuar në huazim tek Leiksoes 20-vjeçarin.
NDIQE LIVE "PANORAMA TV"