Është mbyllur në barazim 3-3 ndeshja mes Helas Veronës dhe Torinos, e vlefshme për xhiron e 16-të në Serie A.

Por, çfarë ndeshje spektakolare është zhvilluar në “Bentegodi”! Torino kaloi e para në avantazh me anë të Ansaldit në minutën e 36’, rezultat me të cilin u mbyll edhe pjesa e parë. Pjesa e dytë nisi përsëri me miqtë në sulm, të cilët realizuan edhe dy herë të tjera me Berenguer në minutën e 55’ dhe Ansaldi në minutën e 61’.

Pas kësaj të gjithë menduan se ndeshja ishte mbyllur dhe fitorja e Torinos ishte e sigurt, por nuk ndodhi kështu. Ishte Pacini që rihapi sfidën, teksa realizoi nga pika e penalltisë në minutën e 69’.

Vetëm 7 minuta më vonë Verre ngushtoi shifrat në 2-3, me vendasit që u hodhën tërësiht në sulm për golin e tretë, dhe ia dolën. Në minutën e 84’ Stepinski realizoi edhe golin e tretë, duke e çuar ekipin e tij në festë të çmendur, duke i hequr kështu Torinos fitoren nga duart.

PANORAMASPORT.AL

NDIQE LIVE "PANORAMA TV"

---