Zlatan Ibrahimoviç është një nga emrat më të diskutuar kohët e fundit, për shkak se është në kërkim të një ekipi të ri.

Suedezi e ka mbyllur përfundimisht aventurën e tij me Los Anxheles Galaksi, dhe shumë skuadra dëshirojnë ta kenë në skuadrën e tyre. Disa ekipe, kryesisht nga Seria A kanë shfaqur interes për firmosur me suedezin.

Për këtë ka folur edhe Luxhiano Moxhi, i cili në një intervistë të dhënë së fundmi është shprehur i sigurt se suedezi do kalojë te Bolonja. “Sigurisht që Ibra do të rikthehet në Itali.

Unë kam folur me të dhe gruan e tij. Ajo është e dashuruar me Milanon, por mendoj se ai do të kalojë te Bolonja. Aty do të kishte më pak presion dhe më shumë hapësirë.”, u shpreh Moxhi.

PANORAMASPORT.AL

NDIQE LIVE "PANORAMA TV"

---