Shqipëria kaloi një moment shumë të vështirë kohët e fundit, ku u prek nga një tërmet shumë i fuqishëm, i cili solli shkatërrime të mëdha dhe viktima të shumtë.

Ndihmat për vendin tonë kanë qenë të mëdha, nga të gjitha fushat e sportit, duke i bashkangjitur këtu edhe ndihmat nga vendet e huaja. Ditën e djeshme në Bërxullë, të Bashkisë Vorë, ka zbarkuar një legjendë e F1 i cili aktualisht është presidenti i Federatës Botërore të Automobilave (FIA), Zhan Tod, por njëkohësisht është edhe sekretar i përgjithshëm i Kombeve të Bashkuara për sigurinë rrugore.

Qëllimi i kësaj vizite ishte, të ndikojë në sensibilizimin më të madh ndërkombëtar, për të prekurit nga tërmeti, të cilët ndodhen në një moment të vështirë, ndërkohë që dimri po afron. Njëkohësisht Tod ka ofruar edhe disa ndihma materiale dhe ushqimore, për të prekurit nga ky fenomen natyror në Bërxullë.

PANORAMASPORT.AL

NDIQE LIVE "PANORAMA TV"

---