FSHF hap hetim, Branica: Shkumbini është “viktima”
Disiplina ka hapur një hetim për dhunën që u shfaq në Peqin, në ndeshjen me Dinamon. Mbetet për t’u parë çfarë vendimi do të merret, ndërsa trajneri Sokol Branica vazhdon të theksojë se Shkumbini është viktima.
“Më vjen keq që media të ndryshme nuk e pasqyrojnë si duhet ngjarjen, duke treguar vetëm atë anë të medaljes që u intereson. Ne kemi ngritur zërin për gjykimet e padrejta, duke filluar nga transferta me Korabin, por nuk është marrë asnjë masë. Jemi mundur në shtëpi nga Veleçiku, kemi barazuar me Kastriotin dhe Egnatian dhe i kemi pranuar sportivisht rezultatet.
Ndeshjen me Dinamon e arbitron në mënyrë të turpshme një arbitër si Bebja. Si klub, presim të merren masa ndaj tij, duam arbitra që gjykojnë me korrektësi. Pas ndeshjes një adoleshent i irrituar ka tentuar ta godasë arbitrin, por isha unë i pari e më pas disa lojtarë që e kemi mbrojtur.
Arbitri nuk është goditur, është përcjellë në dhomat e zhveshjes e më pas jashtë stadiumit. Kërkojmë që FSHF-ja ta shohë me detaje arbitrimin e Bebjas, të gjykohen shkeljet flagrante të rregullores”, tha Branica.
Fatmir Ahmeti
NDIQE LIVE "PANORAMA TV"