500 milionë euro, Reali çon në stratosferë çmimin për largimin e talentit të tij
Real Madridi e ka shumëfishuar klauzolën e largimit të mesfushorit uruguajan Federiko Valverde në 500 milionë euro.
Sipas medias spanjolle “Diario Madridista”, klubi spanjoll ka vendosur të çojë në stratosferë prishjen e kontratës së 21-vjeçarit Valverde. Mançester Junajtid është skuadra që interesohet më së shumti për mesfushorin e ri të talentuar. “Djajtë e Kuq” dëshirojnë që të shkëmbejnë Pol Pogbanë me Valverden, por drejtuesit e Realit hezitojnë të heqin dorë nga lojtari i tyre duke parë kontributin e madh që ka dhënë për 13-herë kampionët e Europës në këtë sezon.
Nëse Pogba largohet, Mançester Junajtid duhet të lëvizë për të gjetur një mesfushor të ri dhe duke parë shifrën e çmendur që Reali ka vendosur për Valverden, drejtuesit e “Djajve të Kuq” do të përpiqen ta bindin vetë lojtarin që të zgjedhë fanelën e Mançester Junajtid për sezonin e ardhshëm.
PANORAMASPORT.AL
NDIQE LIVE "PANORAMA TV"