2 mungesa të sigurta për Vllazninë, Gjoka bën ndryshime në mbrojtje
Ardit Krymi dhe Eraldo Çinari janë mungesat e sigurta të Vllaznisë në sfidën e sotme në Lushnjë. Mesfushori shkatërrues dhe sulmuesi kanë plotësuar numrin e kartonëve.
Për fat të mirë Krymi do të zëvendësohet në mesfushë nga Orelesi i rikthyer, ndërsa lajm pozitiv për Gjokën është fakti se mesfushori i krahut, Arlind Kalaja, ka lënë pas dëmtimin dhe do ta nisë nga minuta e parë kundër verdhejeshilëve.
Mbrojtja ishte reparti më i kritikuar pas humbjes me Skënderbeun, por trajneri Ernest Gjoka nuk ka menduar të bëjë lëvizje të mëdha.
I vetmi ndryshim në mbrojtje do të jetë ulja në stol e Pjeshkës dhe aktivizimi nga minuta e parë i Olsi Gocajt në krahun e djathtë. Vllaznia ka zhvilluar dje stërvitjen e fundit dhe më pas ka udhëtuar pasdite drejt Durrësit, aty ku kaloi natën në prag të ndeshjes me Lushnjën.
ADMIR URUÇI
NDIQE LIVE "PANORAMA TV"