19 vite pas firmës me Juventusin, Bufon luan sot për rekordin. Kalon Paolo Maldinin

Panorama Sport | Lajmet e fundit nga bota e sportit

Postuar: Korrik 4, 2020 | 16:33


19 vite pas firmës me Juventusin, Bufon luan sot për rekordin. Kalon Paolo Maldinin

Ishte 3 korriku i vitit 2001, kur Xhanluixhi Bufon niste aventurën e tij me Juventusin. Saktësisht 19 vite më parë, “Supermeni” linte Parmën për t’u transferuar në Torino për shifrën rekord të 105 miliardë liretave të vjetra (72 milionë euro), ndonëse në arkat e emiljanëve u derdhën më pas vetëm 75 miliardë, plus kartoni i ish-mesfushorit Xhonatan Bakini (i vlerësuar 30 miliardë lireta).bufon juventus

Por pas gati dy dekadash dhe rinovimit të kontratës që erdhi në fillim të kësaj jave, Bufon përgatitet sot që të bëhet rekordmeni i të gjitha kohërave në Serinë A.

Nëse luan si titullar sot ndaj Torinos në derbi, 42-vjeçari do të prekë kuotën 648 prezenca, duke kaluar kështu legjendën e Milanit, Paolo Maldini, i cili mbronte me krenari këtë rekord.

PANORAMASPORT.AL




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/

www.minuta90.com