11-shja me lojtarët e preferuar që ka trajnuar, Murinjo i befason të gjithë
Portugezi Murinjo ka zbuluar 11-shen më të mirë që ka trajnuar deri më tani, por duke habitur sepse nuk ka përfshirë asnjë nga ekipi i Mançester Junajtid dhe skuadrës aktuale që po stërvit, Totenhemit.
Lojtarët e përmendur janë kryesisht nga Interi, Reali dhe Çelsi, por edhe nga këta ekipe “Special One” la jashtë shumë të tjerë të rëndësishëm.
Lojtarët që ka stërvitur Murinjo por që nuk i zgjodhi si pjesë të formacionit më të mirë janë emra të mëdhenj si Serxhio Ramos, Marselo, Ksabi Alonso, Iker Kasillas, Zllatan Ibrahimoviç, Pol Pogba, Samuel Eto dhe Herri Kejn.
11-shja e përzgjedhur nga Murinjo: Peter Çek; Javier Zaneti, Xhon Terri, Rikardo Karvalho, Uilliam Gallas; Klaude Makelele, Frank Lampard, Mesut Ozil; Eden Hazard Didier Drogba, Kristiano Ronaldo.
PANORAMASPORT.AL
NDIQE LIVE "PANORAMA TV"