11 muaj pa fitore ndaj Flamurtarit, Partizani nuk kërkon rezultat tjetër ndaj vlonjatëve në Kupë

Panorama Sport | Gazeta me e shitur sportive ne vend

Postuar: Shkurt 13, 2018 | 14:14

11 muaj pa fitore ndaj Flamurtarit, Partizani nuk kërkon rezultat tjetër ndaj vlonjatëve në Kupë

Statistikat mes Flamurtarit dhe Partizanit flasin për “demat”. Në 135 ndeshje të luajtura në Kupë dhe kampionat, Partizani ka fituar 71, Flamurtari ka 24 fitore, ndërsa 40 takimet e tjera kanë përfunduar në barazime. Golaverazhi është shumë i thellë për Partizanin, 219-107. Partizani, fitoren e fundit në Vlorë, e ka arritur më 9 maj 2015, me gol të Mazrekajt me penallti, kur “demat” drejtoheshin nga Shpëtim Duro, sot trajner i Flamurtarit.

flamurtari partizani

Ndërsa Flamurtari, fitoren e fundit në kryeqytet ndaj të kuqve, e ka arritur më 29 tetor 2017-, ku me gol të Ardit Hoxhajt morën trepikëshin në kuadër të javës së 8-të të kampionatit. Fitoren e fundit ndaj Flamurtarit, Partizani e ka arritur më 11 mars 2017, ku në “Elbasan Arena” (Partizani pritës) i mposhtnin kuqezinjtë me rezultatin 2-1.

Për “demat” shënuan Mazrekaj dhe Trashi, ndërsa për vlonjatët realizoi Danilo Alvesh. Kanë kaluar 11 muaj nga fitorja e fundit e të kuqve ndaj Flamurtarit, ndaj nesër suksesi duhet për të thyer këtë “agjërim”, por edhe për të siguruar kalimin në turin gjysmëfinal të Kupës së Shqipërisë.

Bilanci i 135 ndeshjeve
PARTIZANI- 71 FITORE
FLAMURTARI-24 FITORE
BRAZIME- 40 TAKIME
GOLAVERAZHI
219-107 PËR PARTIZANIN






www.minuta90.com