1 miliard euro për 0 Champions, shpenzimet e çmendura të Barcelonës në 5 sezonet e fundit
PANORAMASPORT
Barcelona u prezan tua në Lisbonë për të luajtur kundër Bajernit me vetëm 15 lojtarë nga skuadra e parë… Ta mendosh që në 5 vitet e fundit ka shpenzuar 989 milionë euro për transferime, një shifër rekord në Europë. Por për çfarë kanë shërbyer kaq shumë miliona të shpenzuara? Për 0 Champions të fituar…
Që nga momenti kur Barcelona ngriti Champions-in e pestë të historisë, në 6 qershorin e vitit 2015, me Nejmarin në skuadër, ka bërë gjithçka që ta përsërisë historinë, por nuk ia ka dalë. Kupa e Europës është shndërruar në një fiksim për katalanasit, të cilët në çdo merkato kanë bërë blerje të shumta.
Shumë pak prej tyre kanë bindur, ndërsa pjesa më e madhe kanë qenë dështime. Në total, në këto 5 vite janë transferuar 23 futbollistë, ku vetëm 5 prej tyre ishin në ndeshjen kundër Bajernit. Mesatarisht një blerje i kushton Barcelonës 43 milionë euro. Gjithçka nisi me dy transferime pas fitores së Champions-it. Drejtuesit menduan se skuadra ishte e duhura dhe vetëm me 2 lëvizje do të forcoheshin. Erdhën Arda Turan dhe Aleiks Vidal për 62 milionë euro.
Një vit më vonë shpenzimet u dyfishuan për të afruar futbollistë të rinj, të cilët do të jepnin kontribut për rimëkëmbjen e skuadrës, si Gomesh, Alkaser, Umtiti, Dinje etj. Të gjithë bashkë kushtuan 140 milionë euro. Në këtë sezon Barcelona humbi 4-0 në Paris, por në “Camp Nou” fitoi 6-1 duke bërë një nga përmbysjet më të mëdha. Një vit më vonë ishte çmenduria… Katalanasit kanë bërë blerjet më të shtrenjta të historisë.
Osman Dembele u transferua për 145 milionë euro dhe u përzgjodh si pasuesi i Nejmarit, ndërsa disa muaj më vonë Kutinjo u pagua 160 milionë euro. Dështimi në Champions vazhdonte, por drejtuesit nuk dorëzoheshin duke paguar 136 milionë për merkaton e ardhshme me Vidal, Arturo e Lengle. Edhe një vit më parë shpenzimet ishin të shumta, ku peshën kryesore e mbanin Grizman dhe De Jong. Nëse do të përfshijmë Pjaniçin dhe Trinçaon, të cilët janë zyrtarizuar për vitin e ardhshëm, atëherë shpenzimet kalojnë mbi 1 miliard euro. E gjithë kjo: për të dështuar në Europë.
BLERJET NË 5 VITET E FUNDIT
Sezoni 2015-2016
Arda Turan 40 mln euro
Aleiks Vidal 22 mln euro
Sezoni 2016-2017
Andre Gomesh 50 mln euro
Pako Alkaser 30 mln euro
Samuel Umtiti 25 mln euro
Lukas Dinje 16 mln euro
Jasper Silesen 16 mln euro
Denis Suarez 3 mln euro
Sezoni 2017-2018
Filipe Kutinjo 160 mln euro
Osman Dembele 145 mln euro
Paulinjo 40 mln euro
Nelson Semedo 35 mln euro
Xheri Mina 9 mln euro
Sezoni 2018-2019
Malkom 42 mln euro
Artur Melo 40 mln euro
Klemo Lengle 35 mln euro
Arturo Vidal 18 mln euro
Todibo 1 mln euro
Sezoni 2019-2020
Antuan Grizman 120 mln euro
Frenki de Jong 85 mln euro
Neto 35 mln euro
Martin Breithueit 18 mln euro
Pedri 5 mln euro
Sezoni 2020-2021
Miralem Pjaniç 60 mln euro
Trinçao 31 mln euro
TOTALI: 1.076 milionë euro
Përgatiti: GENTJAN ALINANI – PANORAMASPORT.AL
NDIQE LIVE "PANORAMA TV"