VIDEO/ ʺKumbulla me zemër të artëʺ, mediat italiane vlerësojnë gjestin fantastik të mbrojtësit shqiptar

Panorama Sport | Lajmet e fundit nga sporti

Postuar: Nëntor 19, 2020 | 23:10

VIDEO/ ʺKumbulla me zemër të artëʺ, mediat italiane vlerësojnë gjestin fantastik të mbrojtësit shqiptar

Marash Kumbulla djaloshi 20-vjeçar që po çmend Italinë me fanelën e Romës me cilësitë e tij në fushën e blertë, tani na ka treguar që ka dhe një zemër të madhe. Mbrojtësi shqiptar ka ndihmuar Ajnin, një djalë tjetër me origjinë shqiptare i ardhur në kohët e fundit në Milano.

kumbulla 1

Mbrojtësi i Romës ka mësuar problemet e Ajnit në integrimin e tij në shkollë, ku përlotej shpesh për arsye të gjuhës që nuk e dinte, dhe për këtë arsye, shtatlarti shqiptar e ka gjetur Ajnin dhe i ka dërguar një videomesazh për ta inkurajuar dhe mbështetur vogëlushin në këtë aventurë të re që ka në Milano dhe në Itali.

Nuk ka mbetur pa u përmendur as në mediat italiane ky gjest vlerësues nga Kumbulla ku media ʺCalciomercato.comʺ, kanë deklaruar Kumbullën si me një zemër të artë.

kumbulla post

Edhe pse ka përjetuar një aventurë fantastike me klubin e kryeqytetit, Kumbulla vazhdon ende të jetë i infektuar me koronavirus duke qenë asimptomatik që prej 9 ditësh në vetë-izolim.

PANORAMASPORT.AL

NDIQE LIVE "PANORAMA TV"