Partia Socialiste ka vendosur të votojë sot Olsian Çelën si Prokuror të Përgjithshëm të Republikës së Shqipërisë.
Vendimi është marrë gjatë mbledhjes së Grupit Parlamentar të PS-së së zhvilluar me dyer të mbyllura para nisjes së seancës së Kuvendit.
Burime të “Panorama.al” konfirmojnë se Partia Socialiste do votojë Olsjan Çelën, që është i pari në listën e kandidatëve të vlerësuar nga Këshilli i Lartë i Prokurorisë.
Olsjan Çela ka marrë më shumë pikë se kandidatët e tjerë, duke lënë të dytën e listën Arta Markun, kryeprokuroren aktuale të përgjithshme të përkohshme. Ndërkohë që kandidatja e tretë është Fatjona Memçaj.
Nga lista e gjatë e kandidatëve, Këshilli i Lartë i Prokurorisë, vendosi të përzgjedhë tre kandidatura për këtë pozicion, duke renditur të parin me diferencë pikësh, prokurorin Olsian Çela (459 pikë), ndërsa pas tij renditet kryeprokurorja e përkohshme aktuale, Arta Marku (406 pikë) si dhe Fatjona Memçaj (362 pikë)./ PANORAMA.al
NDIQE LIVE "PANORAMA TV" © Panorama.al