Zbardhet takimi i fundit i Visho Ajazit me stafin: Kisha marrë garancinë se do qëndroja, por…

1
SHPËRNDAJE

Ajo që u paraqit si ‘dorëheqje’ e kreut të Shërbimit Informativ Shtetëror, në fakt nuk ishte largim ‘me dëshirë’, por një vendim i imponuar nga nivele të larta të politikës.
visho-ajazi-lika
Të paktën këtë gjë ka lënë të kuptohet ish-kreu i SHISH-it, në një mbledhje që ka organizuar me bashkëpunëtorët e tij përpara zyrtarizimit të largimit nga detyra.
Në mbledhjen e zhvilluar në SHISH, ku të panishëm kanë qenë disa nga drejtorët më të rëndësishëm të institucionit, Visho Ajazi, pasi u ka komunikuar largimin e tij nga detyra, ndër të tjera ka thënë se, ky nuk ishte vendim i tij.
Një deklaratë e tillë, e bërë mes bashkëpuntorësh shton edhe më shumë dyshimet për largimin e kreut të shërbimit sekret, i cili kishte marrëdhënie të mira me krerët e shtetit. Madje ai u dekorua edhe nga kryeministri Edi Rama.
Pas largimit të Ajazit nga detyra, media pranë qeverisë përhapën lajmin se ish-kreu i SHISH, kishte aplikuar për një detyrë të rëndësishme në Aleancën e Atlantikut të Veriut (NATO). Diçka e tillë ka ndodhur, por të paktën tri muaj më parë, kur Visho Ajazi kishte aplikuar për të qenë pjesë e strukturave të sigurisë në NATO, por aplikimi i tij ishte refuzuar.
Më pas, po media pranë qeverisë dhanë edhe një tjetër skenar për publikun, atë të emërimit të Ajazit si ambassador të Shqipërisë në një nga vendet e BE.
Por edhe ky spekullim duket larg asaj që ka ndodhur, pasi në mbledhjen e zhvilluar me ish-varësit, Ajazi, ka lënë të kuptohet se, vendimi për largimin e tij nga kjo detyrë, ishte marrë në nivele të larta politike.
Por përtej spekullimeve dhe skenarëve, bashkëpunëtorët e ngushtë të Visho Ajazit, e kanë të qartë arsyen e largimit nga detyra të shefit të tyre.
SHISH-i, ishte institucioni i vetëm që ka dërguar informacione dhe raporte në Prokurori për grupin e Habilajve. Raporti i parë me të dhëna, emra, lëvizje konkrete, dhe veprimtarinë që kryente ky grup, i është dorëzuar Prokurorisë së Krimeve të Rënda, në verën e vitit 2016.
Mbi bazën e këtyre informacioneve, Prokuroria regjistroi një procedim penal ndaj të dyshuarve, i cili u pasua nga një tjetër hetim në prill të vitit 2017, një muaj pas largimit nga detyra të ish-ministrit të Brendshëm, Saimir Tahiri.
Policia e gjendur nën presionin e mungesës së informacionit, nxitoi të deklaronte se referimin për këtë çështje, e kishte dërguar ajo në prokurori. Por e vërteta është krejt ndryshe.
SHISH dërgon një tjetër raport për Habilajt, i cili i shkon paralelisht Prokurorisë së Krimeve të Rënda dhe Policisë së Vlorës. Kjo e fundit, të njëjtat informacione i përcjell në prokurori si kallëzim penal ndaj të dyshuarve. Nisur nga këto të dhëna, bashkëpuntorët e Ajazit janë të bindur se, shefi i tyre u bë “kurban” për Habilajt./Mapo.al/

Te lidhura

 

Artikulli paraprak'Qirje Sali, kërce palikarin', replikat pa mikrofon. Çfarë nuk u dëgjua dje në Kuvend
Artikulli tjetërArrestimi i ish-ministrave, katalanasit 'kërcënojnë' me grevë të përgjithshme

1 KOMENT

  1. Çfar qurravitesh kot! SHISHi pas Fatos Klosit u kthye në një institucion i pavarur, i padukshëm, me kryetare që mbajtën me heroizëm heshtjen dhe profilin modest.
    Ti u vure vjedhurazi nga Berisha. Mbushe aparatin me tropojanët e Gazidedes, dhe më e ulta; furnizojë mumjen politike të Berishës me informacione të fshehta shteti, që ti përdorte për intriga politike. SHISHi jot ishte një kthim prapa. Një nga shumë degradimet institucionale të Berishës, si ushtria e 97, financat, politika e jashtme me fqinjët apo institucjoni kriminal i drejtësisë, që u desh impenjimi i gjithë botës që t'ja hiqte nga duart Berishës dhe mafjes. Ajo që nuk kupton është se ti nuk ke personalitetin, pavarsinë dhe forcën e nje shërbëtori të shtetit. Ti je një gjobë berishiste! Atë që s'pate kurajon intelektuale t'a kuptosh vetë, t'a thanë copë amerikanët; "Nuk je një drejtues i aftë dhe i besueshëm për problemet dhe objektivat komplekse që duhet të përballojë shërbimi sekret."
    Kjo nuk është një shuplakë vetëm për ty, por dhe një shuplakë dhe diskretitim historik për Berishën si lider dhe burrë shteti, zgjedhjet e të cilit konsiderohen nga aleatët tanë, si tmerrësisht mediokre, meskine, të rrezikshme dhe me mentalitet tribal, mafjoz dhe klanor.

Comments are closed.