Rreth 13 udhëheqës të lartë të organizatës terroriste Al-Nusra thuhet se janë vrarë në Siri, përfshirë edhe komandantin ushtarak të grupit. Duke cituar burime nga shërbimet inteligjence siriane, “CNN” shkruan se terroristët u vranë nga dy sulmet ajrore siriane të enjten që shkoi.
Sipas televizionit amerikan, Abu Hammam Al Shami ishte mes të vrarëve në goditjet që vijuan kundër al-Nusras, degës më e madhe të Al Qaedës në Siri. Agjensia shtetërore e lajmeve e Sirisë SANA gjithashtu thuhet se raportoi vdekjen e Al Shami-së.
Operacioni special që u zhvillua në Hobait, në provincën Idlib, ishte pjesë e një përpjekjeje më të gjerë nga forcat siriane për të shkatërruar zonat që besohet se janë mbledhur militantët e Al-Nusras në mbarë krahinën.
Sipas një videoje të publikuar në 2014-ën, nga Al-Nusra, thuhet se Al Shami u bashkua me grupin pas viteve të trajnimit në Afganistan dhe Irak.
NDIQE LIVE "PANORAMA TV" © Panorama.al