Biznesmeni Elton Ilirjani gjithmonë e ka shprehur hapur faktin që është gay dhe asnjëherë nuk e ka mohuar.
Madje ka rrëfyer sesi në vitin 1991 i ka nisur një mashkulli letër nëpërmjet një shoku të tij ndërsa ndodheshin në bilardo.
Ilirjani tha se nuk është ofenduar asnjëherë për veprimin e tij, duke shtuar se Shqipëria është emancipuar.
Ndërsa pranoi se ofendimet e shumta i ka marrë nga komuniteti LGBT.
“Në vitin 1991 në Tepelenë i kam nisur një letër dashurie një mashkulli dhe ia kam nisur me një shokun tim në bilardo ku ishin të gjithë meshkujt. Nuk kam qenë asnjëherë i fshehtë. Shqiptarët po i ngacmove tek bërthama e tyre nuk të bien në qafë. Nuk reaguan keq. Nuk është diskriminim kur habiten njerëzit. Nuk më ka ofenduar asnjë. Ofendimet më të shumta i kam marrë nga LGBT vetë që kanë imazhe të fshehta. Nuk duhet bërë dramatike. Shqipëria është vend më mëndjehapur se Serbia, Maqedonia e Veriut, Kosova. Shqipëria nuk e ka të shtuar dhunën ndaj LGBT më shumë sesa e ka ndaj grave. Por vriten gra çdo ditë në Shqipëria. Shqipëria po bën progres me emancipimin,”- tha ai i ftuar në emisionin “Shqipëria Live”.
Gjithashtu përmendi arrestimin e Zogut të Tiranës ku tha se nëse akuzat ndaj tij janë të vërteta duhet të dënohet.
Biznesmeni ritheksoi se ai është turp për komunitetet LGBT.
“Është turp i madh sepse se ka pranuar kurrë publikisht që është gay. Ai tërë jetën hiqej sikur ishte feminist, ishte me femra gjithë kohës, fliste për jetë luksoze dhe ndërkohë nuk e pranonte fare që ishte gay. Të gjithë e dinin që ishte gay, prandaj e merrnin,”- u shpreh Ilirjani.
NDIQE LIVE "PANORAMA TV" © Panorama.al