“Shtetrrethimi” për koronavirusin/ Pamje të rënda nga Kenia, policia hedh gaz lotsjellës dhe dhunon me shkop qytetarët

| 16:01
SHPËRNDAJE

4d4d95e733554237aac1f6eedf4e0fbb_18

Pamje të rënda po qarkullojnë nga Kenia pasi policia ka hedhur gaz lotsjellës mbi një turmë udhëtarësh dhe oficerët u filmuan nga telefona celularë duke goditur njerëz me shkopinj, kur në vend u forcuan masat e kufizimit me qëllim frenimin e përhapjes së Covid-19.

Duke iu përgjigjur kësaj dhune, “Amnesty International Kenya” dhe 19 grupe të tjera për të drejtat e njeriut reaguan me një deklaratë:

Ne u tmerruam nga përdorimi i tepërt i forcës policore përpara kufirit, i cili filloi mbrëmjen e së premtes. Ne vazhdojmë të marrim dëshmi nga të dhunuarit, dëshmitarët okularë dhe pamjet video që tregojnë policinë duke sulmuar anëtarët e publikut në pjesë të tjera të vendit.

Gazi lotsjellës shkaktoi të vjella tek qindra njerëzit që përpiqeshin të arrinin në një traget në qytetin portual të Mombasa përpara orarit të shtetrrethimit, u panë teksa pështynin dhe fshinin lotët, duke rritur mundësinë e përhapjes së virusit”, thuhet në deklaratë.

“Associated Press” raportoi të shtunën deklaratën nga ministria e Brendshme e Kenias e cila thoshte se shtetrrethimi “ka për qëllim mbrojtjen ndaj një kërcënimi të dukshëm për shëndetin publik. Thyerja e shtetrrethimit nuk është vetëm e papërgjegjshme, por gjithashtu rrezikon të tjerët”.

Qeveria e Kenias nuk ka bërë me dije se sa persona janë arrestuar deri tani.

Te lidhura



Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/

 

S'KA KOMENTE

Comments are closed.