Shqiptarët nuk i ndal as pandemia/ Vendi ynë mes Bangladeshit dhe Afganistanit në kërkesat për azil në Francë

Jan 23, 2022 | 11:40
SHPËRNDAJE

Pandemia nuk e ka ndaluar dot emigrimin dhe kërkesat për azil. Shqiptarët renditen bashkë afganistanasit dhe bangladeshasit në kërkesat për azil në vendet e Bashkimit Evropian dhe veçanërisht në Francë. Të dhënat e publikuara nga Ministria e Brendshme franceze tregojnë se kërkesat për azil janë rritur pavarësisht bllokimeve që ka sjellë pandemia e koronavirusitazil-shqiptare-france

Kërkesat për azil

Gjatë vitit 2021 janë paraqitur 104,577 kërkesa krahasuar me 81,531 në vitin 2020, një rritje prej 28%. Në total, pas studimit të dosjeve në Ofpra (Zyra Franceze për Mbrojtjen e Refugjatëve dhe Personave Pa Shtetësi) dhe në Gjykatën Kombëtare për të Drejtën e Azilit, 54,094 persona kanë marrë mbrojtje nga Franca. Kjo shkallë mbrojtjeje prej 39% mbetet e qëndrueshme. Vendet kryesore të origjinës së aplikantëve mbeten Afganistani(16,126 kërkesa, +62%, pas në veçanti operacionet e evakuimit nga Kabuli në gusht), Bregu i Fildishtë (6,268, +35%), Bangladeshi (6,232, +36%), Guinea (5,286, + 13%). Shqipëria (e 6-ta, +148%) dhe Gjeorgjia (7, +159%) janë rikthyer në kombësitë kryesore, shkruajnë mediat franceze

Dëbimet

Të gjitha “deportimet” e të huajve me qëndrim  të parregullt u rritën me 8,2% krahasuar me vitin 2020 (13,403 kundrejt 12,384), por mbetet shumë larg nivelit të vitit 2019, me 23,746 raste. Ishin dëbimet në mënyrë rigoroze, të quajtura “largime të detyruara” (+10%), të cilat ishin forca shtytëse, veçanërisht ato të të huajve të kthyer jashtë Evropës (+19.2%).

Shifrat e emigracionit

“Ndërsa forcat e policisë kanë intensifikuar më tej numrin e arrestimeve të tyre në të vërtetë mbyllja e kufijve, refuzimi i testeve të Covid (të detyrueshme për t’u kthyer në vende të caktuara) dhe refuzimi i lejeve konsullore nga vendet e origjinës po i ndërlikojnë dëbimet” theksohet në raportin e Ministrisë së Brendshme. Rreth 16,819 të huaj me qëndrim të parregullt u larguan nga Franca vitin e kaluar.

Emigrantët, burim tensioni për Londrën dhe Parisin

Emigrantë janë shndërruar në burim tensioni mes Londrës dhe Parisit, pasi kalimet klandestine shpërthyen në vitin 2021 kur 52,000 emigrantë e tentuan të kalojnë për në Angli, 28,000 prej tyre ia dolën dhe 24,000 u ndaluan.

© Panorama.al

Te lidhura