“Shqipëria sot është në krizë të thellë” – Tabaku flet për ekonominë: Qeverisja e Ramës po kap çdo rekord negativ

| 11:59
SHPËRNDAJE

Ish-deputetja e Partisë Demokratike, Jorida Tabaku në një postim në facebook shkruan se tashmë është bërë viti i shtatë që rënia e konsumit vazhdon të prodhojë krizë të thellë ekonomike, sidomos për të varfrit.

joridatabaku

Sipas Tabakut kjo vjen si pasojë e dy faktorëve kyç që janë: rënia e të ardhurave si pasojë e rritjes së taksave e tarifave dhe kriza e tregut.

Ish-deputetja thekson se kjo rënie ekonomike prek më shumë shtresat e mesme dhe ato të varfra, pasi i takson më shumë, ndërsa thekson se qeveria e kryeministrit Rama është duke kapur majat e çdo rekordi negativ në ekonomi.

Reagimi i Tabakut:

Çfarë treguan 190 mln euro më pak në buxhet për xhepat e shqiptarëve?

Shqipëria ka gjashtë vjet që vazhdon të ketë rënie të mbledhjes së të ardhurave dhe rritje të taksave. Bilanci i çdo fund muaji është një pasqyrë që ka treguar fytyrën e vërtetë të qeverisë, më shumë taksa që mbledhin më pak para, më shumë tarifa që sjellin më pak shpenzime, më pak të ardhura që kanë prodhuar më tepër koncesione.

Ky trend u pa i realizuar edhe në fillim të vitit 2020. Të ardhurat reale sipas të dhënave zyrtare janë me një rritje negative që do të thotë që janë mbledhur realisht më pak të ardhura. Më shqetësuesja është se të ardhurat nga TVSH që tregojnë konsumin kanë rënie. U bë viti i shtatë tashmë që rënia e konsumit vazhdon të prodhojë krizë të thellë sidomos për të varfrit.

Kjo rënie vjen si pasojë e dy faktorëve kyç; rënia e të ardhurave si pasojë e rritjes së taksave dhe tarifave dhe kriza e tregut. Këto dy faktorë ndikojnë më së shumti në familjet e varfëra dhe të shtresës së mesme. Të dy këto fasha mbajnë barrën e mbi 70% të TAP dhe që nuk kanë më të ardhura për të konsumuar si më parë. Taksohen më shumë dhe kanë më pak tê ardhura.

Kjo qeveri është duke kapur majat e çdo rekordi negativ në ekonomi. Rënia më e madhe historike e të ardhurave, konsumi më i ulët në vite, rënie e pagës reale, rritja e varfërisë në shifra rekord, rënia e besimit në ekonomi dhe biznes!

Taksat e ulëta dhe taksa e sheshtë janë incentiva kryesore për të mundësuar një rritje të konsumit. Më shumë para për xhepin e çdo qytetari është një mundësi për të shpenzuar. Shqipëria sot është në krizë të thellë, këtë e dëshmon dhe buxheti i shtetit. Shqiptarët sot mund t’i nxjerrë nga balta një qeverisje me taksa të ulëta dhe mundësi të barabarta. Parime që janë të huaja për këtë qeveri, por janë angazhim për Partinë Demokratike dhe opozitën.

Buxheti i shteitt, mungesa e te ardhurave

 

Te lidhura

Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/

S'KA KOMENTE

Comments are closed.