Kombëtarja e femrave po pëson një humbje të thellë, që në 45 minutat e para, në ndeshjen ndaj Polonisë. Sfida e vlefshme për grupin 2 kualifikues, në fazën kualifikuese të Botërorit të femrave, po dominohet nga polaket.
Goli i parë u pësua shumë shpejt, që në minutën e 5-të nga Sikora. I tillë erdhi edhe i dytë, vetëm në minutën e 13-të, nga Gusckiora. Në të 37-tën, shënoi edhe Uinkzo, për të mbyllur pjesën e parë në shifrat 0-3.
Kjo është ndeshja e katërt për vajzat e Armir Grimës në grup, dhe deri më tani nuk kanë marrë asnjë pikë.
NDIQE LIVE "PANORAMA TV" © Panorama.al