Kombëtarja shqiptare e mbylli me bilancin më të mirë në historinë e kualifikueseve të Botërorit. Me fitoren ndaj Andorrës, kuqezinjtë grumbulluan 18 pikë dhe kjo është vlerësuar nga kryeministri Edi Rama.
Me anë të një postimi në Facebook, Rama thotë se ky i kësaj radhe mbetet një edicion i bukur i kombëtares.
Pas përfundimit të ndeshjen kryeministri ka falenderuar futbollistët dhe trajnerin për emocionet e bukura që dhuruan.
“Kombëtarja kuqezi nuk është e jona vetëm kur fiton, po edhe kur humbet dhe ky i kësaj radhe mbetet një edicion i bukur i kuqezinjve, për të cilin të gjithë djemtë e kësaj skuadre dhe traineri ynë, meritojnë falenderime për emocionet që na dhuruan e respekt për të 18 pikët që grumbulluan. Me grupin plot të rinj dhe eksperiencën e fituar në këto eliminatore, më e mira është ende përpara për këtë Kombëtare #ForcaShqipëria❤️”, shkruan Rama.
NDIQE LIVE "PANORAMA TV" © Panorama.al
