“Shqipëria ka ende sfida për të kapërcyer me klimën e biznesit”/ Presidenti i Dhomës Amerikane të Tregtisë: Bashkëpunim me parlamentin e ri për të krijuar një faqe e të re

Sep 8, 2021 | 14:09
SHPËRNDAJE

“Shqipëria ka ende sfida të mëdha për të kapërcyer me klimën e biznesit”. Kështu ka deklaruar Presidenti i AmCham, Enio Jaço në një reagim pas publikimit të Indeksit të Biznesit të Dhomës Amerikane.

enio jaco

Me anë të një postimi në rrjetet sociale, Jaço thekson se rënia në nivelin më të ulët që në fillimin e Indexit 9 vjet më parë dëshmon peshën e fenomeneve gërryese që vijojnë të mbajnë peng vendin drejt një përparimi më të shpejtë.

Jaço më tej thekson se Dhoma Amerikane ka pritshmërinë e dialogut dhe gjetjes së mekanizmave te bashkëpunimit me Qeverinë e re dhe Parlamentin e ri për të krijuar një faqe të re në mënyrën e të bërit biznes në Shqipëri.

“Rezultatet e Indeksit të Biznesit për vitin 2021 janë matës real që tregojnë se Shqipëria, ka ende sfida të mëdha për të kapërcyer me klimën e biznesit.

Rritja me 71% e anëtarëve që morën pjesë në Index, më e larta që në krijimin e saj, tregon për rëndësinë që bizneset i japin terrenit ku ata operojnë dhe rregullave të lojës. Por rënia me 0.5 pikë nga një vit më parë dhe rënia në nivelin më të ulët që në fillimin e Indexit 9 vjet më parë dëshmon peshën e fenomeneve gërryese që vijojnë të mbajnë peng vendin drejt një përparimi më të shpejtë.

Dinamika e zhvillimeve por edhe perspektivës Europiane që Shqipëria synon, nuk lë më kohë për reflektim, por nxit rëndësinë e një aksioni të përbashkët.

Në kthimin e besimit tek bizneset, duhet së pari, dialog dhe bashkëpunim konstruktiv me përgjegjësi të lartë. Dhoma Amerikane ka pritshmërinë e dialogut dhe gjetjes së mekanizmave te bashkëpunimit me Qeverinë e re dhe Parlamentin e ri për të krijuar një faqe të re në mënyrën e të bërit biznes në Shqipëri!” thuhet në reagimin e Presidentit të AmCham.

LEXO EDHE: 

“Sërish rënie e besimit të biznesit në Shqipëri”/ Dhoma Amerikane e Tregtisë: Qeveria duhet të rishikojë taksat, të heqë dorë nga shumë burokraci. Janë krijuar monopole në çdo sektor. Pa ndërhyrje joformale…

© Panorama.al

Te lidhura


Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/