Ministri i Punëve të Jashtme, Gent Cakaj ka reaguar pas “Po-së” që Shqipëria dhe Maqedonia e Veriut ka siguruar nga vendet anëtare të Bashkimit Europian.
Në një postim në facebook, Cakaj shkruan se ky është një zhvillim madhor historik në rrugën e Shqipërisë drejt BE-së e në të mirë të kombit shqiptar në përgjithësi.
Në të njëjtën kohë Cakaj thekson se ky është një moment kthese për jetësimin e ëndrrës sonë historike: “Shqipëria anëtare e familjes së vendeve të Bashkimit Evropian!”
Reagimi i Cakajt:
Të dua përtej fjalëve, Shqipëri!
Këshilli i Çështjeve të Përgjithshme tashmë ka vendosur ÇELJEN E NEGOCIATAVE PËR ANËTARËSIM NË BASHKIMIN EVROPIAN ME SHQIPËRINË!
Mes këtyre ditëve të vështira, ky është një zhvillim madhor historik në rrugën e Shqipërisë drejt BE-së e në të mirë të kombit shqiptar në përgjithësi.
Ky është një moment kthese për jetësimin e ëndrrës sonë historike: Shqipëria anëtare e familjes së vendeve të Bashkimit Evropian!
URIME TË GJITHËVE!
NDIQE LIVE "PANORAMA TV" © Panorama.al