Pamje tronditëse janë shfaqur nga video e publikuar nga një mjek, në Misuri të Shteteve të Bashkuara të Amerikës, i cili përpiqet të simulojë se çfarë sheh një pacient kur vdes nga koronavirusi.
Përmes kësaj videoje ai i dërgon një mesazh botës për përdorimin e një maske.
Dr Kenneth Remy i tha BBC se “mbajtja e maskës nuk është aq e pakëndshme sa të kesh një copë plastike në rrugët e frymëmarrjes”.
Ai gjithashtu tha se u ndje i detyruar të bënte këtë video kur pa ndikimin që kishte vdekja e një pacienti në ekipin e tij.
“Kështu është kur ju merrni frymë 40 herë në minutë, keni nivele oksigjeni që bien nën 80. Kështu do të duket. Shpresoj që momentet e fundit të jetës tënde të mos duken kështu” , shprehet mjeku në video.
Ai gjithashtu shpjegoi se ishte kujdesur për një pacient që ishte intubuar, i cili i kërkoi që t’u tregonte familjarëve të tij se i donte. “Nuk mendoj se do të jetoj”, i tha ajo dhe kishte të drejtë, pasi vdiq pak më vonë. “Duke parë një nga koleget e mia, ajo dukej e lodhur dhe unë mund të shihja sa kishte ndikuar tek ajo. Dhe kështu, në atë moment, shkova në një dhomë dhe bëra këtë video”, tregon mjeku.
NDIQE LIVE "PANORAMA TV" © Panorama.al“I hope that the last moments of your life don’t look like this”
A doctor in Missouri has made a video simulating what a patient dying from Covid-19 might see – in a bid to urge people to wear face maskshttps://t.co/X0aLsy4hdC pic.twitter.com/f8Fotu9tgC
— BBC News (World) (@BBCWorld) November 26, 2020
