Dhjetëra çanta fishekzjarrë u ruajtën në të njëjtin hangar si mijëra tonë nitrat amoniumi në portin e Bejrutit dhe mund të ketë qenë një faktor vendimtar në ndezjen e kompleksit kimik që nxiti shpërthimin e madh të së martës.
Një ish punonjës i portit, Yusuf Shehadi, i tha “The Guardian” se ai ishte udhëzuar nga ushtria libaneze që të depozitonte kimikatet në depon 12 në port, pavarësisht protestave të përsëritura nga departamentet e tjera të qeverisë.
“Ne u ankuam shumë për këtë me kalimin e viteve” , tha Shehadi, i cili punonte në port deri sa të emigroi në Kanada në mars të këtij viti. “Çdo javë, njerëzit e doganëve vinin dhe ankoheshin dhe kështu vepruan edhe zyrtarët e sigurimit të shtetit. Ushtria vazhdimisht u thoshte se nuk kishin vend tjetër për ta vendosur atë. Të gjithë donin të ishin shefi dhe askush nuk donte të merrte një vendim të vërtetë. ”
Përveç kësaj, hangari kishte një sasi fishekzjarre, tha Shehadi, të cilat doganat i kishin konfiskuar rreth 2009-10 dhe të cilat ai tha se i kishte parë personalisht të shpërndara. “Kishte 30-40 çanta najloni fishekzjarreve brenda depove 12. Ata ishin në anën e majtë kur hyje te dera. Unë u ankova për këtë. Nuk ishte e sigurt. Kishte edhe lagështi atje. Kjo ishte një katastrofë që pritej të ndodhte. “, tha ai.
NDIQE LIVE "PANORAMA TV" © Panorama.al
