Një automjet që drejtohej nga një shtetas me banim në Angli është përplasur sot në mbrëmje me një makinë policie, ku për pasojë kanë marrë dëmtime të lehta 3 efektivë të DVP-së Kukës.
Policia bën me dije se aksidenti ka ndodhur rreth orës 20:10, në aksin rrugor Milot-Morinë, në afërsi të një karburanti.
Tre punonjësit e policisë janë në gjendje të mirë dhe po marrin mjekim në Spitalin e Mirditës.
Ende nuk dihen detajet se si ka ndodhur aksidenti. Ndërkaq është hapur një hetim për zbardhjen e rrethanave.
NJOFTIMI
Më datë 17.09.2021, rreth orës 20:10, në aksin rrugor Milot-Morinë, në afërsi të një karburanti mjeti me drejtues shtetasin E.A., 35 vjeç, banues në Angli është përplasur me automjetin e policisë tip “Ford”, ku për pasojë kanë marrë dëmtime të lehta 3 punonjës Policie të DVP Kukës, të cilët po marrin mjekim në spitalin e Mirditës.
Grupi hetimor, nën drejtimin e Prokurorisë Lezhë, po kryejnë veprimet hetimore për zbardhjen e plotë të rrethanave të ngjarjes.
NDIQE LIVE "PANORAMA TV" © Panorama.al