Një grua ka humbur jetën këtë të dielë në Durrës, si pasojë e një aksidenti. Një automjet tip ‘Mercedes-Benz’ ka përplasur dy këmbësorë.
Për pasojë burimet policore thanë se ka humbur jetën 53-vjeçarja me iniciale D.D, ndërsa personi tjetër i plagosur është dërguar në spital.
Policia ka ndaluar drejtuesin e automjetit, 25-vjeçarin Klejvi Maliqi.
Njoftimi i policisë:
Më datë 17.07.2016, rreth orës 02:10 në rrugën”Aleksandër Goga”lagja Nr. 6 Durrës, duke drejtuar automjetin tip Benz me targa AA 224 BD, ka aksidentuar dy këmbësorë(një i seksit femër dhe një i seksit mashkull).
Për pasojë ka gjetur vdekjen shtetësia.D.D. 53 vjeçe, banuese në Durrës.
Ndërkohë, shtetasi A.B. 49 vjeç, banues në Durrës, i cili ndodhet në gjëndje të rëndë shëndetësore në Spitalin Ushtarak Tiranë.
Pas bërjes së testit të alkoolit drejtuesit të mjetit ka rezultuar se ka konsumuar alkool në masën 0.45 mg/litër.
Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale”Shkelja e rregullave të qarkullimit rrugor “dhe” Drejtimi i automjeteve në mënyrë të parregullt”parashikuar në nenet 290/2 dhe 291 të Kodit Penal.
NDIQE LIVE "PANORAMA TV" © Panorama.al
