Rama ‘firmos’ shkrirjen e komisariatit të Elbasanit, i përgjigjet Bashës për Vlorën: Harroje se…

Oct 19, 2017 | 16:41
SHPËRNDAJE

Kryeministri Edi Rama ka reaguar per here te pare pas vendimit per shkrirjen e komisariatit te Elbasanit.

Ne nje status ne faqen e tij ne Facebook, Rama shkruan se askush nuk mund ta ndale kete maxhorance ne luften kunder krimit.

rama basha1

Statusi i Ramës

TA HARROJNE SE DO TE NA NDALIN

‪Përshëndes shkarkimin e gjithë zinxhirit të komandës policore në Elbasan. Kush është përzier me çorbën e krimit, po edhe kush s’ka kurajo të përballet sy për sy e dhëmb për dhëmb me të, s’ka vend nën uniformën e dëshmorëve të Policisë së Shtetit

E turpshme përpjekja e Frontit të Çorbës së Vjetër për të baltosur Policinë e Shtetit për operacionin e suksesshëm mbrëmë në Vlorë, si pjesë e luftës ndaj rrjetit kriminal të heronjve të kazanit politik e mediatik të 48 orëve të fundit.

Policia e Shtetit po bën të gjithë gjërat e duhura dhe çdo drejtues e punonjës policie, duhet të vazhdojë të bëjë përditë këtë që po bën qysh prej nisjes së kësaj faze të re të luftës me krimin, pas pastrimit të Shqipërisë nga kanabisi.

‪Ta harrojnë se do të na ndalin dot në këtë luftë, të gjithë ata që vazhdojnë t’i marrin shqiptrët për budallenj dhe që synojnë bllokimin e rrugës sonë për Shqipërinë që duam – me shtet, punë, mirëqenie. Me mandatin e 25 qershorit, ne do t’i bëjmë jo vetëm rrjeteve kriminale, po edhe korrupsionit në tërësi, atë që asnjë nga këta që hidhen sot përpjetë në kazanin e politikës e të medias, s’ka guxuar as ta mendojë, në çerekshekulli rrumpallë e bashkëjetesë harmonike të pushtetit me llumin, ku ky vend mbeti pa shtet, pa ligj, pa drejtësi.

‪Këtu jemi dhe do të shohim. Ditë për ditë.

NDIQE LIVE "PANORAMA TV" © Panorama.al

Te lidhura